અમદાવાદમાં લિફ્ટ બની કાળ, 14 વર્ષના બાળકનું મોત.....
અમદાવાદના નારોલ વિસ્તારમાં આવેલી શાંતિ શુક સોસાયટીમાં લિફ્ટની કરુણ દુર્ઘટનામાં 14 વર્ષના બાળકનું મોત થયું છે.
ધોરણ-7માં અભ્યાસ કરતો બાળક સ્કૂલેથી ઘરે આવ્યા બાદ ટ્યુશન જવા નીકળ્યો હતો. આ દરમિયાન લિફ્ટ અને દરવાજા વચ્ચે તેનું માથું ફસાઈ જતાં ગંભીર ઈજાઓ પહોંચી હતી. ઘટનામાં બાળકનું મોત થયું હોવાનું જાણવા મળ્યું છે.
સ્થાનિકોના જણાવ્યા મુજબ, લિફ્ટ લાંબા સમયથી ખરાબ હાલતમાં હતી અને યોગ્ય રીતે મરામત કરવામાં આવી નહોતી. અકસ્માત બાદ લિફ્ટની સુરક્ષા અને જાળવણીને લઈને ગંભીર સવાલો ઊભા થયા છે. સમગ્ર મામલે તપાસ હાથ ધરવામાં આવી છે.
Udhna, Surat | Sep 30, 2026 
