નવસારી બ્રેકિંગ... ઇટાડવા ચાર રસ્તા પાસે નબીરાઓનું જોખમી ડ્રાઇવિંગ!
નવસારી શહેર નજીક ઇટાડવા ચાર રસ્તા પાસે નશાની હાલતમાં હોવાના આક્ષેપ સાથે કેટલાક વાહનચાલકોએ બેફામ ડ્રાઇવિંગ કરતા હોવાનો વીડિયો સામે આવ્યો છે.
બેફામ ડ્રાઇવિંગને કારણે અકસ્માત સર્જાતા રહી ગયો હોવાનો દાવો છે, જ્યારે હિટ એન્ડ રનની ઘટના પણ ટળી હોવાનું સામે આવ્યું છે.
ઘટનાને પગલે સ્થળ પર મહિલાઓ સહિત સ્થાનિક લોકોએ આક્રોશ વ્યક્ત કર્યો હતો. સ્થાનિકોના આક્ષેપ છે કે નશાની હાલતમાં બેફામ વાહન હંકારતા વાહનચાલકોના કારણે રાહદારીઓ અને અન્ય વાહનચાલકોના જીવ જોખમમાં મુકાય છે.
એરુ ચાર રસ્તાની ઘટના બાદ ફરી ઇટાડવા ચાર રસ્તા પાસે આવી ઘટના સામે આવતા પોલીસ કાર્યવાહી સામે સવાલો ઉઠી રહ્યા છે.
હવે સવાલ એ છે કે, જાહેર રસ્તા પર જોખમી ડ્રાઇવિંગ કરનારા સામે પોલીસ કડક કાર્યવાહી ક્યારે કરશે?
Udhna, Surat | Oct 2, 2026 
