દાહોદ નગરપાલિકા વિસ્તારમાં ડોર-ટુ-ડોર કચરા વાહન ટીમને તાલીમ અપાઈ
દાહોદ નગરપાલિકા વિસ્તારમાં ડોર-ટુ-ડોર કચરા સંગ્રહની કામગીરી સાથે સંકળાયેલા કર્મચારીઓ માટે તાલીમ કાર્યક્રમનું આયોજન કરવામાં આવ્યું હતું. તાલીમ દરમિયાન કચરાનું યોગ્ય વ્યવસ્થાપન, સ્વચ્છતા, સલામતી અને નાગરિકો સાથેના વ્યવહાર અંગે જરૂરી માર્ગદર્શન આપવામાં આવ્યું હતું.
તાલીમમાં ડોર-ટુ-ડોર કચરા વાહનના સુપરવાઈઝર, ડ્રાઈવર તેમજ સફાઈ કામદારોને કચરાના સ્ત્રોત પર જ વિભાજનનું મહત્વ સમજાવવામાં આવ્યું હતું. ભીનો અને સૂકો કચરો અલગ-અલગ રીતે એકત્રિત થાય તે માટે નાગરિકોને યોગ્ય માર્ગદર્શન આપવા અંગે પણ સમજ આપવામાં આવી હતી.
કચરાનું યોગ્ય રીતે સંગ્રહ અને પરિવહન થાય તેમજ કચરો રસ્તા પર કે અન્ય જાહેર સ્થળોએ ન ફેલાય તે માટેની કામગીરી અંગે કર્મચારીઓને માહિતી આપવામાં આવી હતી. સાથે જ કચરા વાહનની નિયમિત સફાઈ અને જાળવણી અંગે પણ જરૂરી સૂચનાઓ આપવામાં આવી હતી.
તાલીમ દરમિયાન કર્મચારીઓની
