👉 ଆଜି ଓଡ଼ିଶା ଆସୁଛନ୍ତି ବିଜେପି ରାଜ୍ୟ ପ୍ରଭାରୀ ଡି. ପୁରନ୍ଦେଶ୍ୱରୀ ଭୁବନେଶ୍ୱର: ଓଡ଼ିଶାର ନୂଆ ବିଜେପି ପ୍ରଭାରୀ ଭାବେ ଦାୟିତ୍ୱ ନେବା ପରେ ପ୍ରଥମଥର ପାଇଁ ଆଜି ଓଡ଼ିଶା ଗସ୍ତରେ ଆସୁଛନ୍ତି ଡି. ପୁରନ୍ଦେଶ୍ୱରୀ। ସେ ଦୁଇଦିନିଆ ଗସ୍ତରେ ଓଡ଼ିଶା ଆସୁଥିବା ବେଳେ ତାଙ୍କ ସହ ବିଜେପିର ସହପ୍ରଭାରୀ ସ୍ୱଦେଶ ସିଂ ମଧ୍ୟ ଓଡ଼ିଶା ଗସ୍ତରେ ଆସିବେ। ଗସ୍ତ ସମୟରେ ରାଜ୍ୟର ସାଙ୍ଗଠନିକ ଓ ଦଳୀୟ କାର୍ଯ୍ୟକ୍ରମ ନେଇ ଉଭୟ ପ୍ରଭାରୀ ଓ ସହପ୍ରଭାରୀ ବିଭିନ୍ନ ସ୍ତରର ନେତାଙ୍କ ସହ ଆଲୋଚନା କରିବେ। ଏହି ଅବସରରେ ମୁଖ୍ୟମନ୍ତ୍ରୀ ଏବଂ ବିଜେପି ରାଜ୍ୟ ସଭାପତିଙ୍କ ସହ ମଧ୍ୟ ଆଲୋଚନା କରିବାର କାର୍ଯ୍ୟକ୍ରମ ରହିଛି। ଏଥିସହ ଦଳର ବରିଷ୍ଠ ନେତାମାନଙ୍କ ସହ ପ୍ରଭାରୀ ଓ ସହପ୍ରଭାରୀ ବୈଠକ କରିବେ। ରାଜ୍ୟର ୩୭ଟି ସାଙ୍ଗଠନିକ ଜିଲ୍ଲାର ପ୍ରଭାରୀମାନଙ୍କ ସହ ମଧ୍ୟ ସାଙ୍ଗଠନିକ ସ୍ଥିତି ଓ ଦଳୀୟ କାର୍ଯ୍ୟକ୍ରମ ନେଇ ଆଲୋଚନା ହେବ। ପ୍ରଭାରୀଙ୍କ ଏହି ପ୍ରଥମ ଓଡ଼ିଶା ଗସ୍ତକୁ ନେଇ ଦଳୀୟ ମହଲରେ ଗୁରୁତ୍ୱ ଦିଆଯାଉଛି।

Uploaded: 2026-10-03T10:55:10.000Z
Duration: 60 s
Channel: padampurtv
Description: Watch the latest news video on Public App.

MORE NEWS