👉 ପଦ୍ମପୁର ଆର୍.ଡି. କାର୍ଯ୍ୟାଳୟରୁ ବିଷଧର ଚିତି ସାପ ଉଦ୍ଧାର ପଦ୍ମପୁର: ପଦ୍ମପୁର ଆର୍.ଡି. କାର୍ଯ୍ୟାଳୟ ପରିସରରୁ ଶୁକ୍ରବାର ଏକ ବିଷଧର ଚିତି ସାପ ଉଦ୍ଧାର କରାଯାଇଛି। କାର୍ଯ୍ୟାଳୟ ପରିସରରେ ସାପଟିକୁ ଦେଖିବା ପରେ କର୍ମଚାରୀଙ୍କ ମଧ୍ୟରେ ଭୟର ବାତାବରଣ ସୃଷ୍ଟି ହୋଇଥିଲା। ଏନେଇ ସୂଚନା ପାଇବା ପରେ ପଦ୍ମପୁର ସହରର ସ୍ନେକ୍ ହେଲ୍ପଲାଇନ୍ ସଦସ୍ୟ ଧରମ ବଗର୍ତ୍ତୀ ପଦ୍ମପୁର ରେଞ୍ଜ ବନ ବିଭାଗ ସହ ସମନ୍ୱୟ କରି ଘଟଣାସ୍ଥଳରେ ପହଞ୍ଚିଥିଲେ। ସତର୍କତାର ସହ ସାପଟିକୁ ଧରି ସୁରକ୍ଷିତ ଭାବେ ଉଦ୍ଧାର କରାଯାଇଥିଲା। ପରେ ବନ ବିଭାଗର ସହଯୋଗରେ ସାପଟିକୁ ଏକ ଉପଯୁକ୍ତ ପ୍ରାକୃତିକ ପରିବେଶରେ ଛାଡ଼ି ଦିଆଯାଇଥିଲା। ଧରମ ବଗର୍ତ୍ତୀଙ୍କ ସୂଚନା ଅନୁସାରେ, ସେ ଏପର୍ଯ୍ୟନ୍ତ ୧୪୩ରୁ ଅଧିକ ସାପ ଉଦ୍ଧାର କରିସାରିଛନ୍ତି। ସାପ ଦେଖାଯିବା ନେଇ ଭୟଭୀତ ଲୋକଙ୍କୁ ସହାୟତା କରିବା ସହ ଉଦ୍ଧାର ହେଉଥିବା ସାପଗୁଡ଼ିକୁ ସେମାନଙ୍କ ଉପଯୁକ୍ତ ପ୍ରାକୃତିକ ଆବାସରେ ଛାଡ଼ି ଦିଆଯାଉଛି। ସାପ ଦେଖାଗଲେ ଭୟଭୀତ ହୋଇ ତାହାକୁ ମାରି ନଦେଇ ସ୍ନେକ୍ ହେଲ୍ପଲାଇନ୍ କିମ୍ବା ବନ ବିଭାଗକୁ ତୁରନ୍ତ ସୂଚନା ଦେବାକୁ ସଚେତନ କରାଯାଇଛି। ଏହାଦ୍ୱାରା ମଣିଷ ସହିତ ସାପର ମଧ୍ୟ ସୁରକ୍ଷା ନିଶ୍ଚିତ ହୋଇପାରିବ।

Uploaded: 2026-10-03T10:55:03.000Z
Duration: 60 s
Channel: padampurtv
Description: Watch the latest news video on Public App.

MORE NEWS