শিৱসাগৰ জিলাৰ আয়ুক্ত মৃদুল য়াদৱে আজি শিৱসাগৰ অসামৰিক চিকিৎসালয় পৰিদৰ্শন কৰি চিকিৎসালয়খনৰ সামগ্ৰিক ব্যৱস্থাপনাৰ লগতে, চাফ-চিকুণতা, যান-বহনৰ পাৰ্কিঙৰ ব্যৱস্থা, খোৱাপানী, নিৰাপত্তা, ৰূপায়ণ হৈ থকা আৰু বিভিন্ন নতুন প্ৰকল্পৰ পৰিকল্পনা আৰু অগ্ৰগতি, ৰোগী আৰু ৰোগীৰ আত্মীয়ৰ বাবে উপলব্ধ সা-সুবিধা, বৈদ্যুতিন সা-সুবিধা আদি সম্পৰ্কে বিস্তৃতভাৱে বুজ লয়। জিলা আয়ুক্ত গৰাকীয়ে আজি চিকিৎসালয়খনত আয়োজিত চিকিৎসালয় ব্যৱস্থাপনা সমাজৰ বৈঠকতো অধ্যক্ষতা কৰে।
বৈঠকত জিলা আয়ুক্ত গৰাকীয়ে চিকিৎসালয়খনত বিভিন্ন ক্ষেত্ৰত প্ৰত্যক্ষ হোৱা আসোঁৱাহ আৰু অসুবিধাসমূহ দূৰীকৰণৰ বাবে বিহিত ব্যৱস্থা গ্ৰহণ কৰিবলৈ নিৰ্দেশ দিয়াৰ লগতে ৰোগীৰ লগতে জনসাধাৰণৰ অভাৱ-অভিযোগ নিষ্পত্তিৰ ক্ষেত্ৰতো কাৰ্যকৰী পদক্ষেপ গ্ৰহণৰ পোষকতা কৰে।
আজিৰ বৈঠকত অতিৰিক্ত জিলা আয়ুক্ত (স্বাস্থ্য আৰু পৰিয়াল কল্যাণ) ৰনন্ময় ভৰদ্বাজ প্ৰমুখ্যে চিকিৎসালয়খনৰ বিভিন্ন বিভাগৰ চিকিৎসক বিষয়া আৰু স্বাস্থ্যকৰ্মীসকল উপস্থিত থাকে।
#highlightseveryone
#everyone
#follower
#dcsivasagar
