દાહોદ જિલ્લાના ઝાલોદ સોસાયટીમાં જાહેરમાં ખુલ્લી જગ્યામાં પાના પત્તાથી પૈસા વડે જુગાર રમી રહેલા ચાર જુગારીઓને પોલીસે ઝડપી પાડી રૂપીયા ૧૫,૫૪૦ની રોકડ રકમ સાથે બે મોબાઈલ ફોન મળી કુલ રૂપીયા ૨૫,૫૪૦નો મુદ્દામાલ કબજે કરી પોલીસે જુગારીઓને જેલના સળીયા પાછળ ધકેલી દીધાં હોવાનું જાણવા મળે છે. ઝાલોદ પોલીસને મળેલ બાતમીના આધારે પોલીસે ગત તારીખ ૧૫મી ઓગષ્ટના રોજ ઝાલોદ નગરમાં આવેલ શ્યામ વિહાર સોસાયટીમાં જાહેરમાં ખુલ્લી જગ્યામાં પૈસાથી હારજીતનો જુગાર રમી રહેલા વિક્રમભાઈ સરદારભાઈ પારગી, વિરેદ્રભાઈ રમેશભાઈ આમલીયાર, દિનેશભાઈ વિરસીંગભાઈ વસૈયા અને હીમ્મતભાઈ ઉદેસીંગભાઈ વસૈયાને ઝડપી પાડી તેઓની અંગ ઝડતી તેમજ દાવ પરથી રોકડા રૂપીયા ૨૫,૫૪૦ તેમજ બે મોબાઈલ ફોન મળી કુલ રૂપીયા ૨૫,૫૪૦નો મુદ્દામાલ કબજે કરી આ સંબંધે ઝાલોદ પોલીસે જુગારધારાની કલમ મુજબ ગુનો નોંધી આગળની કાયદેસરની કાર્યવાહી હાથ ધરી છે.