କୋରାପୁଟ ଜିଲ୍ଲା ଲକ୍ଷ୍ମୀପୁର ବ୍ଲକ କୋଡ଼ିଙ୍ଗାମାଳି ବକ୍ସାଇଟ ଖଣିରୁ ରାସ୍ତା ଯୋଗେ ବକ୍ସାଇଟ ପରିବହନକୁ ନେଇ ବିବାଦ ଦେଖାଦେଇଛି। ରାସ୍ତାରେ ବକ୍ସାଇଟ ପରିବହନ ତୁରନ୍ତ ବନ୍ଦ କରି କନଭେୟର ବେଲ୍ଟ ମାଧ୍ୟମରେ ରେଳ ଷ୍ଟେସନ ପର୍ଯ୍ୟନ୍ତ ପରିବହନ ବ୍ୟବସ୍ଥା କରିବାକୁ ଦାବି ହୋଇଛି।
ଏନେଇ ଲକ୍ଷ୍ମୀପୁର ଅଞ୍ଚଳର ଯୁବପିଢ଼ି କୋରାପୁଟ ଜିଲ୍ଲାପାଳଙ୍କୁ ଏକ ଦାବିପତ୍ର ପ୍ରଦାନ କରିଛନ୍ତି
ଭାରୀ ଯାନବାହନ ଚଳାଚଳ ଯୋଗୁଁ ଦୁର୍ଘଟଣାର ଆଶଙ୍କା ବଢୁଥିବା ମଧ୍ୟ ଦାବିପତ୍ରରେ ଉଲ୍ଲେଖ କରାଯାଇଛି। ଏହାସହ ଦିନରାତି ଟ୍ରକ ଚଳାଚଳ ଯୋଗୁଁ ଶବ୍ଦ ପ୍ରଦୂଷଣ ବଢୁଥିବା ଏବଂ ଏହାର ପ୍ରଭାବରେ ଶିଶୁ, ବୃଦ୍ଧବୃଦ୍ଧା ଓ ଗର୍ଭବତୀ ମହିଳାଙ୍କ ସମେତ ସାଧାରଣ ଲୋକଙ୍କ ନିଦ୍ରା ଓ ଜୀବନଯାପନ ପ୍ରଭାବିତ ହେଉଥିବା ଅଭିଯୋଗ ହୋଇଛି। ଟ୍ରକ ଚଳାଚଳ ଯୋଗୁଁ ପରିବେଶ ପ୍ରଦୂଷଣ ମଧ୍ୟ ବଢୁଥିବା ଅଭିଯୋଗ କରିଛନ୍ତି ଅଞ୍ଚଳବାସୀ।
