News in Viluppuram

பள்ளி கான்கிரீட் மேற்கூரை தொடர்ந்து இடிந்து விழும் அவலம் – மாணவர்களின் பாதுகாப்பை உறுதி செய்ய கோரிக்கை விழுப்புரம் மாவட்டம், கண்டாச்சிபுரம் வட்டம், வீ.சித்தாமூர் பகுதியில் அமைந்துள்ள ஊராட்சி ஒன்றிய தொடக்கப் பள்ளியின் கான்கிரீட் மேற்கூரை சேதமடைந்து, தினந்தோறும் இடிந்து விழும் நிலையில் உள்ளது. பள்ளி வகுப்பறைகளில் மாணவர்கள் கல்வி பயின்று வரும் நிலையில், மேற்கூரையில் இருந்து கான்கிரீட் பகுதிகள் தொடர்ந்து பெயர்ந்து விழுவதால், மாணவர்கள் மற்றும் ஆசிரியர்களின் பாதுகாப்பு கேள்விக்குறியாகியுள்ளது இதனால் பள்ளிக்கு வரும் மாணவர்களுக்கு எந்த நேரத்திலும் அசம்பாவிதம் ஏற்படும் அபாயம் உள்ளதாக அப்பகுதி மக்கள் அச்சம் தெரிவித்துள்ளனர். எனவே, மாணவர்களின் பாதுகாப்பை கருத்தில் கொண்டு வீ.சித்தாமூர் ஊராட்சி ஒன்றிய தொடக்கப் பள்ளியின் சேதமடைந்த கான்கிரீட் மேற்கூரையை மாவட்ட நிர்வாகமும், கல்வித்துறை அதிகாரிகளும் உடனடியாக நேரில் ஆய்வு செய்து, போர்க்கால அடிப்படையில் சீரமைக்க உரிய நடவடிக்கை எடுக்க வேண்டும் என அப்பகுதி பொதுமக்கள் கோரிக்கை விடுத்துள்ளனர்*

Viluppuram, Viluppuram | Oct 3, 2026

விழுப்புரத்தில் ஊட்டச்சத்து மாத விழிப்புணர்வு! 🍎🥗 நெருப்பில்லா சமையலில் மாணவிகளின் அசத்தல்! விழுப்புரம் சாலாமேட்டில் உள்ள எம்.ஜி.ஆர். அரசு மகளிர் கல்லூரியில், ஊட்டச்சத்து மாதத்தை முன்னிட்டு சத்தான உணவுகள் குறித்த விழிப்புணர்வு கண்காட்சி நடைபெற்றது. நெருப்பில்லாமல் மாணவிகள் தயாரித்து காட்சிப்படுத்திய பழங்கள், கீரைகள், தானியங்கள் மற்றும் பல்வேறு ஊட்டச்சத்து உணவுகள் பார்வையாளர்களை வெகுவாக கவர்ந்தன. கண்காட்சியை மாவட்ட ஆட்சியர் ஷேக் அப்துல் ரஹ்மான் தொடங்கி வைத்து பார்வையிட்டார். மாணவிகள் தயாரித்த உணவுகளை சுவைத்ததுடன், அவர்களுடன் செல்ஃபி எடுத்தும் மகிழ்ந்தார். 📍 விழுப்புரம் | சாலாமேடு #Villupuram #NutritionMonth #NoFireCooking #NutritionAwareness #MGRWomensCollege #TN32NEWS #விழுப்புரம் #ஊட்டச்சத்து #நெருப்பில்லாசமையல்

Viluppuram, Viluppuram | Oct 1, 2026

மரக்காணம், வானூர் பேருந்து நிலையங்களில் மினி பேருந்துகளுக்கு இடையூறு? | எஸ்.பி. அலுவலகத்தில் புகார்! மரக்காணம் மற்றும் வானூர் பேருந்து நிலையங்களில் மினி பேருந்துகளை நிறுத்தி பயணிகளை ஏற்றும்போது, சில ஆட்டோ ஓட்டுநர்கள் பேருந்துகளுக்கு முன்பாக ஆட்டோக்களை நிறுத்தி தகராறில் ஈடுபடுவதாக மினி பேருந்து உரிமையாளர்கள் குற்றச்சாட்டு தெரிவித்துள்ளனர். இதனால் மினி பேருந்துகளுக்கு வருவாய் இழப்பு ஏற்படுவதுடன், ஓட்டுநர்களுக்கு இடையே அடிக்கடி மோதல் ஏற்படுவதாகவும் அவர்கள் தெரிவித்தனர். மினி பேருந்துகளை இயக்குவதற்கு இடையூறு ஏற்படுத்தி, மோதலில் ஈடுபடும் ஆட்டோ ஓட்டுநர்கள் மீது உரிய நடவடிக்கை எடுக்கக் கோரி, விழுப்புரம் மாவட்ட காவல் கண்காணிப்பாளர் அலுவலகத்தில் மினி பேருந்து உரிமையாளர்கள் புகார் மனு அளித்தனர். இந்த விவகாரம் தொடர்பாக போலீசார் உரிய விசாரணை நடத்த வேண்டும் என மினி பேருந்து உரிமையாளர்கள் கோரிக்கை விடுத்துள்ளனர். 📍 மரக்காணம் | வானூர் | விழுப்புரம் மாவட்டம் TN32NEWS – விழுப்புரம் மாவட்டத்தின் முக்கிய செய்திகளை உடனுக்குடன் அறிய Subscribe செய்யுங்கள்.** #விழுப்புரம் #மரக்காணம் #வானூர் #மினிபேருந்து #ஆட்டோஓட்டுநர்கள் #எஸ்பிஅலுவலகம் #Villupuram #Marakkanam #Vanur #MiniBus #TamilNews #TN32NEWS #BreakingNews

Viluppuram, Viluppuram | Sep 30, 2026

விழுப்புரத்தில் அடுத்தடுத்து 2 கோயில்களில் கொள்ளை! 5 உண்டியல்களை உடைத்து பணம் திருட்டு | பரபரப்பு விழுப்புரம் நகரில் அடுத்தடுத்து இரண்டு கோயில்களில் புகுந்த மர்ம நபர்கள், 5 உண்டியல்களை உடைத்து பணத்தை கொள்ளையடித்துச் சென்ற சம்பவம் பெரும் பரபரப்பை ஏற்படுத்தியுள்ளது. விழுப்புரம் திரு.வி.க. வீதியில் உள்ள பிரசித்தி பெற்ற ஆஞ்சநேயர் கோயிலில், அதிகாலை பின்பக்க கேட் பூட்டை உடைத்து உள்ளே புகுந்த மர்ம நபர்கள், கோயிலில் இருந்த 4 உண்டியல்களை உடைத்து, அதிலிருந்த சுமார் ரூ.5,000 பணத்தை திருடிச் சென்றதாக கூறப்படுகிறது. பின்னர் உண்டியல்களை அருகிலுள்ள குளக்கரையில் வீசிச் சென்றுள்ளனர். இதேபோல், பாகர்ஷா வீதி மீன் மார்க்கெட் பகுதியில் உள்ள அங்காளம்மன் கோயிலிலும் ஒரு உண்டியலை திருடிச் சென்ற மர்ம நபர்கள், அதை மீன் மார்க்கெட் பகுதியில் வைத்து உடைத்து அதிலிருந்த சுமார் ரூ.3,000 பணத்தை திருடிச் சென்றதாக கூறப்படுகிறது. இதுகுறித்து தகவல் அறிந்த விழுப்புரம் நகர மற்றும் மேற்கு காவல் நிலைய போலீசார் சம்பவ இடங்களுக்கு சென்று விசாரணை நடத்தி வருகின்றனர். கொள்ளை சம்பவத்தில் ஈடுபட்ட மர்ம நபர்களை போலீசார் தேடி வருகின்றனர். ஒரே நாளில் அடுத்தடுத்து இரண்டு கோயில்களில் உண்டியல்கள் உடைக்கப்பட்டு பணம் கொள்ளையடிக்கப்பட்ட சம்பவம் பக்தர்கள் மற்றும் பொதுமக்களிடையே அதிர்ச்சியை ஏற்படுத்தியுள்ளது. #விழுப்புரம் #கோயில்_கொள்ளை #உண்டியல்_கொள்ளை #ஆஞ்சநேயர்_கோவில்

Viluppuram, Viluppuram | Sep 30, 2026

Nearby Cities

*21 வகை மாற்றுத்திறனாளிகளையும் மக்கள் தொகை கணக்கெடுப்பில் பதிவு செய்ய கோரி போராட்டம்! | விழுப்புரம் விழுப்புரம்: 21 வகை மாற்றுத்திறனாளிகளையும் 2027-ம் ஆண்டு நடைபெற உள்ள மக்கள் தொகை கணக்கெடுப்பில் முறையாக பதிவு செய்ய வேண்டும் என வலியுறுத்தி, விழுப்புரம் மாவட்ட கலெக்டர் அலுவலகத்தை மாற்றுத்திறனாளிகள் முற்றுகையிட்டு போராட்டத்தில் ஈடுபட்டனர். 500-க்கும் மேற்பட்ட மாற்றுத்திறனாளிகள் பங்கேற்ற இந்த போராட்டத்தில், 21 வகை மாற்றுத்திறனாளிகளும் கணக்கெடுப்பில் இடம்பெற வேண்டும் என்றும், அரசு நலத்திட்டங்கள் கிடைக்க உரிய நடவடிக்கை எடுக்க வேண்டும் என்றும் கோஷங்கள் எழுப்பினர். பின்னர் உதவி கலெக்டர் (பயிற்சி) ஸ்ரீரஷத் போராட்டத்தில் ஈடுபட்டவர்களிடம் பேச்சுவார்த்தை நடத்தினார். அவரிடம் கோரிக்கை மனு அளிக்கப்பட்டதை தொடர்ந்து போராட்டம் கைவிடப்பட்டது. TN32NEWS – விழுப்புரம் மாவட்ட செய்திகளுக்கு Subscribe செய்யுங்கள். #விழுப்புரம் #மாற்றுத்திறனாளிகள் #மக்கள்தொகைகணக்கெடுப்பு #Disability #Villupuram

Viluppuram, Viluppuram | Sep 30, 2026

திருவாமாத்தூர் ஆங்கிலேயர் காலத்து அணைக்கட்டு சேதம்! விரைந்து புனரமைக்க விவசாயிகள் கோரிக்கை விழுப்புரம் அருகே திருவாமாத்தூரில் 100 ஆண்டுகளுக்கு மேலான பழமையான ஆங்கிலேயர் காலத்து அணைக்கட்டு தற்போது பராமரிப்பின்றி சேதமடைந்த நிலையில் காணப்படுகிறது. தென்பெண்ணையாற்றின் கிளை ஆறுகளில் ஒன்றான பம்பை ஆற்றின் குறுக்கே கடந்த 1921-ம் ஆண்டு கட்டப்பட்ட இந்த அணைக்கட்டு மூலம் முத்தாம்பாளையம், ஒரத்தூர், அகரம், கப்பியாம்புலியூர், காகுப்பம் உள்ளிட்ட பகுதிகளில் உள்ள ஏரிகளுக்கு நீர்வரத்து செல்கிறது. இந்த ஏரிகள் நிரம்புவதன் மூலம் அயினம்பாளையம், திருவாமாத்தூர், சுப்பம்பேட்டை, அகரம், அய்யங்கோவில்பட்டு, செங்கமேடு உள்ளிட்ட 50-க்கும் மேற்பட்ட கிராமங்களில் சுமார் 2,000 ஏக்கர் விவசாய நிலங்கள் பாசன வசதி பெற்று வருகின்றன. ஆனால், 100 ஆண்டுகளை கடந்துள்ள அணைக்கட்டு தற்போது சேதமடைந்துள்ளதால் ஏரிகளுக்கு முழுமையான அளவில் தண்ணீர் செல்லாமல் வீணாகி வருவதாக விவசாயிகள் தெரிவிக்கின்றனர். மேலும், பாசன வாய்க்கால் செல்லும் பகுதிகளில் ஆக்கிரமிப்புகள் உள்ளதாகவும், இதனால் ஏரிகளுக்கு நீர்வரத்து செல்வதில் தடை ஏற்படுவதாகவும் விவசாயிகள் கூறுகின்றனர். இதனால், திருவாமாத்தூர் அணைக்கட்டை விரைந்து புனரமைத்து, பாசன வாய்க்கால்களில் உள்ள ஆக்கிரமிப்புகளை அகற்றி, ஏரிகளுக்கு முழுமையான நீர்வரத்தை உறுதி செய்ய வேண்டும் என விவசாயிகள் கோரிக்கை விடுத்துள்ளனர். இதுகுறித்து பொதுப்பணித்துறை அதிகாரி ஒருவர் கூறுகையில், அணைக்கட்டு புனரமைப்புப் பணிக்காக அரசுக்கு கருத்துரு அனுப்பப்பட்டுள்ளதாகவும், நிதி ஒதுக்கீடு செய்யப்பட்டதும் பணிகள் மேற்கொள்ளப்படும் என்றும் தெரிவித்தார். TN32NEWS – விழுப்புரம் மாவட்ட செய்திகளை உடனுக்குடன்! #TN32NEWS #விழுப்புரம் #திருவாமாத்தூர் #Villupuram #அணைக்கட்டு #தென்பெண்ணையாறு #விவசாயிகள்

Viluppuram, Viluppuram | Sep 29, 2026

ராமையன்பாளையத்தில் அடுத்தடுத்து விபத்துகள்! ஆத்திரமடைந்த மக்கள் சாலை மறியல் கோலியனூர் அருகேயுள்ள ராமையன்பாளையத்தில் கும்பகோணம் தேசிய நெடுஞ்சாலை விரிவாக்கப் பணிகள் பல ஆண்டுகளாக தாமதமாக நடைபெற்று வருவதாக கூறப்படுகிறது. ரயில்வே மேம்பாலம் அமைக்கும் பணிகள் நடைபெற்று வரும் நிலையில், ஒருவழிச்சாலையில் வாகனங்கள் இயக்கப்பட்டு வருகின்றன. இந்நிலையில், இரண்டு நாட்களில் அடுத்தடுத்து இரண்டு விபத்துகள் நடைபெற்றதாக கூறப்படுகிறது. நேற்று சாலையை கடக்க முயன்ற அங்கம்மாள் என்ற மூதாட்டி அரசு பேருந்து மோதி உயிரிழந்தார். இன்று இருசக்கர வாகனத்தில் சென்ற வினேஷ் என்ற இளைஞர் அரசு பேருந்து மோதி படுகாயமடைந்து, முண்டியம்பாக்கம் அரசு மருத்துவமனையில் சிகிச்சை பெற்று வருகிறார். சாலை விரிவாக்கப் பணி தாமதம், போதிய மின்விளக்குகள் இல்லாதது உள்ளிட்ட காரணங்களால் தொடர்ந்து விபத்துகள் ஏற்படுவதாக குற்றம்சாட்டி, ஆத்திரமடைந்த கிராம மக்கள் கோலியனூர்–பண்ருட்டி சாலையில் அமர்ந்து சுமார் ஒரு மணி நேரம் மறியலில் ஈடுபட்டனர். அப்போது விபத்துக்குள்ளான அரசு பேருந்தின் பின்பக்க கண்ணாடி உடைக்கப்பட்டதுடன், ஓட்டுநர் மற்றும் நடத்துநர் தாக்கப்பட்டதாகவும் கூறப்படுகிறது. தகவலறிந்து வந்த வளவனூர் போலீசார் சம்பவ இடத்திற்கு சென்று, காயமடைந்த பேருந்து ஓட்டுநர், நடத்துநர் மற்றும் விபத்தில் காயமடைந்த இளைஞரை மீட்டு முண்டியம்பாக்கம் அரசு மருத்துவமனைக்கு அனுப்பி வைத்தனர். தொடர்ந்து போலீசார் நடத்திய பேச்சுவார்த்தையிலும் மறியலை கைவிடாமல் இருந்த நிலையில், சம்பவ இடத்திற்கு வந்த டி.எஸ்.பி. சரவணக்குமார் பொதுமக்களுடன் பேச்சுவார்த்தை நடத்தினார். இதையடுத்து பொதுமக்கள் மறியலை கைவிட்டு கலைந்து சென்றனர். சாலை விரிவாக்கப் பணிகளை விரைந்து முடித்து, விபத்துகளைத் தடுக்க உரிய பாதுகாப்பு ஏற்பாடுகளை செய்ய வேண்டும் என பொதுமக்கள் கோரிக்கை விடுத்துள்ளனர். 📍 ராமையன்பாளையம் | கோலியனூர் | விழுப்புரம் TN32NEWS – உண்மை செய்திகள்… உடனுக்குடன்! #TN32NEWS #விழுப்புரம் #Villupuram #ராமையன்பாளையம் #கோலியனூர் #Panruti #பண்ருட்டி #சாலைமறியல் #விபத்து #RoadAccident #NationalHighway #சாலைபாதுகாப்பு #BreakingNews #TamilNews #VillupuramNews

Viluppuram, Viluppuram | Sep 29, 2026

விழுப்புரம் அருகே 13-14ஆம் நூற்றாண்டு சமண சிற்பம் கண்டுபிடிப்பு! | கரடிப்பாக்கத்தில் தொல்லியல் ஆய்வில் புதிய தகவல் தொல்லியல் ஆய்வாளர் இம்மானுவேல் மற்றும் விழுப்புரம் அறிஞர் அண்ணா அரசு கலைக்கல்லூரி வரலாற்றுத்துறை முதுகலை ஆய்வு மாணவர்கள் மேற்கொண்ட ஆய்வின்போது, மாரியம்மன் கோவில் வளாகத்தில் அரச மரத்தடியில் இந்த சிற்பம் கண்டெடுக்கப்பட்டது. இந்த சிற்பம் சமண சமயத்தில் வழிபடப்படும் தர்மதேவி சிற்பமாக இருக்கலாம் என ஆய்வாளர்கள் தெரிவித்துள்ளனர். சிற்பத்தில் தர்மதேவி பீடத்தின் மீது அமர்ந்த நிலையில் காணப்படுவதுடன், தலையில் மகுடம், காதணிகள், முத்துமாலை, சரப்பளி, மேகலை, தண்டைகள் மற்றும் சிலம்புகள் உள்ளிட்ட அணிகலன்கள் நுட்பமாக வடிவமைக்கப்பட்டுள்ளன. மகுடத்தின் முகப்பில் நேமிநாத தீர்த்தங்கரர் உருவமும், தேவியின் வாகனமான சிங்கம் மற்றும் குழந்தைகள், பணிப்பெண் உருவங்களும் இடம்பெற்றுள்ளதாக ஆய்வாளர்கள் தெரிவித்துள்ளனர். இந்த சிற்பத்தின் அடிப்படையில், கரடிப்பாக்கம் பகுதியில் சோழர் காலத்தில் ஜினாலயம் எனப்படும் சமண வழிபாட்டுத் தலம் இருந்திருக்கலாம் என்றும் ஆய்வாளர்கள் கூறுகின்றனர். இந்த சிற்பம் கி.பி. 13 முதல் 14ஆம் நூற்றாண்டைச் சேர்ந்ததாக இருக்கலாம் எனவும் தெரிவிக்கப்பட்டுள்ளது. மேலும், தென்பெண்ணை ஆற்றங்கரையோரம் உள்ள மாரங்கியூர், எனதிரிமங்கலம், கொரத்தி, கணிசப்பாக்கம் உள்ளிட்ட பகுதிகளிலும் சோழர் கால தீர்த்தங்கரர் சிற்பங்கள் காணப்படுவதாக ஆய்வாளர்கள் தெரிவித்துள்ளனர். இதன்மூலம் தென்பெண்ணை ஆற்றங்கரைப் பகுதிகளில் சமண சமயம் நிலவியதற்கான வரலாற்றுச் சான்றுகள் இருப்பதாக ஆய்வாளர்கள் தெரிவித்துள்ளனர். TN32NEWS – விழுப்புரம் மாவட்டத்தின் வரலாறு, செய்திகள் உடனுக்குடன்!** #TN32NEWS #விழுப்புரம் #Villupuram #கரடிப்பாக்கம் #தர்மதேவி #சமணசிற்பம் #Jainism #JainSculpture

Viluppuram, Viluppuram | Sep 29, 2026

நவராத்திரி விழா களைகட்டும் நிலையில் கரடிப்பாக்கத்தில் கொலு பொம்மைகள் தயாரிப்பு தீவிரம்! | விழுப்புரம் நவராத்திரி விழாவையொட்டி விழுப்புரம் அருகே கரடிப்பாக்கம் கிராமத்தில் கொலு பொம்மைகள் தயாரிக்கும் பணியில் கைவினை தொழிலாளர்கள் மும்முரமாக ஈடுபட்டுள்ளனர். காகிதக்கூழ், மரவள்ளிக்கிழங்கு மாவு மற்றும் வண்டல் மண் உள்ளிட்ட இயற்கை மூலப்பொருட்களை பயன்படுத்தி அரை அடி முதல் 3 அடி உயரம் வரை பல்வேறு வடிவங்களில் கொலு பொம்மைகள் தயாரிக்கப்பட்டு வருகின்றன. விநாயகர், முருகர், ஆண்டாள், மீனாட்சி, காமாட்சி, காளியம்மன், பைரவர் உள்ளிட்ட 35-க்கும் மேற்பட்ட வடிவங்களில் பொம்மைகள் தயாராகி வருகின்றன. கரடிப்பாக்கத்தில் தயாரிக்கப்படும் கொலு பொம்மைகள் விழுப்புரம் மட்டுமின்றி சென்னை, பெங்களூரு, மைசூரு, ஓசூர், கோவை, மதுரை, ஈரோடு, கிருஷ்ணகிரி உள்ளிட்ட பல்வேறு பகுதிகளுக்கும், கேரளா மற்றும் ஆந்திராவுக்கும் ஆர்டர்களின் அடிப்படையில் அனுப்பப்பட உள்ளன. மூலப்பொருட்களின் விலை உயர்ந்துள்ளதால் பொம்மைகளின் விலையும் அதிகரிக்கும் நிலை ஏற்பட்டுள்ளதாக கைவினை தொழிலாளர்கள் தெரிவித்துள்ளனர். மேலும், பொம்மைகள் தயாரிக்க தேவையான வண்டல் மண் கிடைப்பதில் சிரமம் இருப்பதாகவும், அருகிலுள்ள ஏரிகளில் இருந்து வண்டல் மண் எளிதாக கிடைக்க அரசு நடவடிக்கை எடுக்க வேண்டும் என்றும் அவர்கள் கோரிக்கை விடுத்துள்ளனர். பாரம்பரிய கைவினைத் தொழிலை தலைமுறை தலைமுறையாக பாதுகாத்து வரும் தொழிலாளர்களின் உழைப்பில், நவராத்திரிக்கான கொலு பொம்மைகள் தற்போது உருவாகி வருகின்றன. #TN32NEWS #விழுப்புரம் #Villupuram #கரடிப்பாக்கம் #நவராத்திரி #Navaratri #கொலுபொம்மைகள் #GoluDolls

Viluppuram, Viluppuram | Sep 29, 2026

News in Viluppuram

MORE NEWS

Nearby Cities

MORE NEWS

Nearby Cities