#କଲେଜ_କ୍ୟାମ୍ପସରେ_ହୁତୁ_ହୁତୁ_ହୋଇ_ଜଳିଗଲା ଟ୍ରାନ୍ସଫର୍ମର,ଅଳ୍ପକେ ବର୍ତ୍ତିଲେ ଛାତ୍ରଛାତ୍ରୀ।
ଢେଙ୍କାନାଳ ସଦର : ଢେଙ୍କାନାଳ ସ୍ୱୟଂଶାସିତ ମହାବିଦ୍ୟାଳୟ ପରିସରରେ ଆଜି ଅପରାହ୍ନରେ ଏକ ବଡ ଅଘଟଣ। କ୍ୟାମ୍ପସ ଭିତରେ ଥିବା ବିଦ୍ୟୁତ୍ ଟ୍ରାନ୍ସଫର୍ମରଟି ହଠାତ୍ ହୁତୁ ହୋଇ ଜଳିବାକୁ ଲାଗିଲା। ପ୍ରତ୍ୟକ୍ଷଦର୍ଶୀଙ୍କ କହିବା ଅନୁଯାୟୀ,ପ୍ରଥମେ ଟ୍ରାନ୍ସଫର୍ମରରୁ ବଡ ଶବ୍ଦ ହେଲା ଏବଂ ପରେ ନିଆଁ ଲାଗିଗଲା। ନିଆଁ ଆୟତ ହେବାର ନାଁ ଧରିଲା ନାହିଁ। ଦେଖୁ ଦେଖୁ ପୁରା ଟ୍ରାନ୍ସଫର୍ମର ପୋଡି ପାଉଁଶ ହୋଇଗଲା। ସୌଭାଗ୍ୟ ବଶତଃ ଏହି ସମୟରେ ଆଖପାଖରେ କେହି ଛାତ୍ରଛାତ୍ରୀ ନଥିବାରୁ ଏକ ବଡ ଅଘଟଣରୁ ବର୍ତ୍ତି ଯାଇଛି। ଯଦି କ୍ଲାସ୍ ଚାଲିଥିବା ସମୟରେ ଏମିତି ହୋଇଥାନ୍ତା ତେବେ ବଡ ବିପଦ ହୋଇପାରିଥାନ୍ତା। ଖବର ପାଇ ବିଦ୍ୟୁତ୍ ବିଭାଗ ଓ କଲେଜ କର୍ତୃପକ୍ଷ ଘଟଣାସ୍ଥଳରେ ପହଞ୍ଚିଛନ୍ତି। ବିଦ୍ୟୁତ୍ ସଂଯୋଗ ବିଚ୍ଛିନ୍ନ କରାଯାଇଛି। ଟ୍ରାନ୍ସଫର୍ମର ପୋଡି ଯିବା ପରେ କଲେଜ କ୍ୟାମ୍ପସରେ ବିଦ୍ୟୁତ୍ ସରବରାହ ବନ୍ଦ ହୋଇଯାଇଛି। ଶର୍ଟସର୍କିଟ ଯୋଗୁଁ ଏହି ଅଗ୍ନିକାଣ୍ଡ ଘଟିଥିବା ପ୍ରାଥମିକ ଅନୁମାନ କରାଯାଉଛି। ସବିଶେଷ ତଦ�
