KDMCचा वर्धापनदिन साधेपणाने; दुष्काळग्रस्तांच्या मदतीसाठी २५ लाखांचा निधी!
दुष्काळाच्या पार्श्वभूमीवर यंदा वर्धापनदिनाचा भव्य कार्यक्रम रद्द; मुख्यमंत्री सहाय्यता निधीला मदत, तर चतुर्थ श्रेणी कर्मचाऱ्यांसाठी विशेष आरोग्य शिबिराचे आयोजन
कल्याण : दुष्काळाच्या पार्श्वभूमीवर सामाजिक बांधिलकी जपत कल्याण-डोंबिवली महानगरपालिकेने (KDMC) यंदाचा वर्धापनदिन साधेपणाने साजरा करण्याचा निर्णय घेतला आहे. वर्धापनदिनानिमित्त होणाऱ्या कार्यक्रमांना फाटा देत दुष्काळग्रस्तांच्या मदतीसाठी मुख्यमंत्री सहाय्यता निधीत २५ लाख रुपयांची मदत देण्याचा निर्णय घेण्यात आला आहे.
दुष्काळामुळे संकटात सापडलेल्या नागरिकांना मदतीचा हात देण्याच्या उद्देशाने महापालिकेने हा महत्त्वपूर्ण निर्णय घेतला आहे. वर्धापनदिनाच्या निमित्ताने होणाऱ्या खर्चाऐवजी सामाजिक कार्याला प्राधान्य देत निधी उपलब्ध करून देण्यात येणार आहे.याशिवाय, महापालिकेच्या चतुर्थ श्रेणी कर्मचाऱ्यांच्या आरोग्याची काळजी घेण्यासाठी विशेष हेल्थ कॅम्पचे आयोजन करण्यात येणार आहे. या आरोग्य शिबिराच्या माध्यमातून कर्मचाऱ्यांची आरोग्य तपासणी करून त्यांना आवश्यक वैद्यकीय मार्गदर्शन दिले जाणार आहे.
Kalyan, Thane | Oct 1, 2026 
