વલસાડ જિલ્લાને અડીને આવેલા સંઘ પ્રદેશ દાદરા-નગર હવેલીના સેલવાસમાંથી પસાર થતી દમણગંગા નદીના કિનારે 15મી ઓગષ્ટની સાંજે એક 15 વર્ષીય કિશોરી સેલ્ફી લેતી વખતે પગ લપસી જતાં નદીના તેજ પ્રવાહમાં તણાઈ ગઈ હતી. ઘટનાની જાણ થતાં પોલીસ, પ્રશાસન અને ફાયર વિભાગની ટીમો તાત્કાલિક ઘટનાસ્થળે પહોંચી હતી અને કિશોરીની શોધખોળ શરૂ કરી હતી. મળતી માહિતી મુજબ, મૂળ બિહારની અને હાલ સેલવાસના મસાટ વિસ્તારના શાંતિનગરમાં પરિવાર સાથે રહેતી કાજલ કુમારી દમણગંગા નદીના કિનારે સેલ્ફી લેવા ગઈ હતી. આ દરમિયાન નદી કિનારે પગ લપસી જતાં તેણે સંતુલન ગુમાવ્યું હતું અને તે સીધી નદીના તેજ વહેણમાં પડી ગઈ હતી. 15 કલાક પછી નદી માંથી યુવતીની લા*શ મળી આવી હતી. Follow @aapnu_vapi for More