डोंबिवलीत ‘अंगणातील उत्सव’; ५ अंगणवाड्यांतील १२९ चिमुकल्यांच्या चेहऱ्यावर फुलले हास्य!
‘सेवा संकल्प अभियान’अंतर्गत भाजपाच्या डोंबिवली पश्चिम मंडलाचा उपक्रम; बालकांशी संवाद साधत आनंदाची उधळण
डोंबिवली : भारतीय जनता पार्टी डोंबिवली पश्चिम मंडलाच्या वतीने ‘सेवा संकल्प अभियान’ अंतर्गत ‘अंगणातील उत्सव’ हा उपक्रम उत्साहात पार पडला. लहानग्यांच्या चेहऱ्यावर हास्य फुलविण्याच्या उद्देशाने आयोजित या उपक्रमांतर्गत डोंबिवली पश्चिम परिसरातील ५ अंगणवाड्यांना भेट देत १२९ नोंदणीकृत बालकांसोबत उत्सव साजरा करण्यात आला.
‘सेवा हीच साधना… बालमनात आनंद फुलविणे हाच अंगणातील उत्सव’ या संकल्पनेनुसार सकाळी ११ वाजल्यापासून या उपक्रमाला सुरुवात झाली. महाराष्ट्र नगर, राजूनगर, मोतीबाई निवास, विघ्नहर्ता अंगणवाडी आणि साई सदन या पाच केंद्रांवर विविध कार्यक्रमांचे आयोजन करण्यात आले.
पाच अंगणवाड्यांमध्ये उत्साहाचे वातावरण
महाराष्ट्र नगर अंगणवाडी, देवीचा पाडा येथे ३४ बालकांनी सहभाग घेतला. अंगणवाडी सेविका मीना सकपाळ यांच्यासह संदीप (रमा) म्हात्रे, मेधा बर्वे, गजानन ब्रम्हे, पायल जैन, आदिती काळे आणि शुभांगी शिंदे यांनी नियोजन केले.
राजूनगर अंगणवाडी क्रमांक १६ येथे १८ बालकांच्या उपस्थितीत कार्यक्रम पार पडला. सेविका मंगला शेवाळे यांच्या मार्गदर्शनाखाली अर्चना पाटील, संजय पाटील, जयप्रकाश सावंत, राहुल श्रीधर म्हात्रे आणि वैभव मुरबाडे यांनी जबाबदारी सांभाळली.
मोतीबाई निवास, चिंचोड्याचा पाडा येथे १५ बालकांच्या उपस्थितीत उत्सव झाला. सेविका सानिका वाडेकर यांच्यासह श्वेता धोपटे, निलीमा भोईर, प्रिया कडू, सविता तेलगोटे, शिल्पा मोरे, सुरेखा गुप्ता, वंदना मोरे, प्रशांत पाटेकर, राहुल श्रीधर म्हात्रे, सुरज ठोंबरे, मनोज वैद्य, विश्वास सावंत आणि जयप्रकाश सावंत उपस्थित होते.
विघ्नहर्ता अंगणवाडी, उमेश नगर, देवीचा पाडा येथे ३२ बालकांसाठी कार्यक्रम घेण्यात आला. यावेळी सेविका भारती ठिकारे, रेखा असोदेकर आणि प्रिया गुजर यांनी सहभाग घेतला.
तर साई सदन अंगणवाडी, उमेश नगर येथे ३० बालकांच्या उपस्थितीत उपक्रमाचा समारोप झाला. सेविका वर्षा गोडबोले यांच्यासह सुमेधा थत्ते, प्रतीक्षा पाटील आणि प्रशांत पाटेकर यांनी संयोजन केले.या संपूर्ण उपक्रमादरम्यान भाजपाच्या महिला पदाधिकाऱ्यांनी विशेष उपस्थिती लावत लहानग्यांशी संवाद साधला, त्यांचे कोडकौतुक केले आणि त्यांच्या आनंदात सहभागी झाले.
Kalyan, Thane | Oct 1, 2026 
