📍एकनाथ शिंदे यांच्या कार्यावर प्रभावित होऊन लातूर जिल्ह्यातील अनेक कार्यकर्त्यांचा शिवसेनेत प्रवेश लातूर : शिवसेनेचे मुख्य नेते तथा महाराष्ट्र राज्याचे उपमुख्यमंत्री एकनाथराव शिंदे यांच्या कार्यावर प्रभावित होऊन लातूर जिल्ह्यातील देवणी, शिरोळ, वांजरवाडा यासह विविध भागांतील अनेक कार्यकर्त्यांनी शिवसेनेत प्रवेश केला. सोमवार, दि. १० ऑगस्ट २०२६ रोजी शासकीय विश्रामगृह, लातूर येथे हा प्रवेश सोहळा पार पडला. देवणी येथील देविदास लक्ष्मण कांबळे, बंडाप्पा होनमाने, शिरोळ-वांजरवाडा येथील शिवाजीराव मोरे, सविता जाधव, कमल गोडबोले, पल्लवी रासुरे, सविता ऐतनबोणे, सत्यकला मोरे, कलावती मलकापूरे यांच्यासह अनेक कार्यकर्त्यांनी शिवसेना जिल्हाप्रमुख शिवाजीराव माने यांच्या हस्ते शिवसेनेत प्रवेश केला. यावेळी बोलताना शिवसेना जिल्हाप्रमुख शिवाजीराव माने म्हणाले की, एकनाथराव शिंदे हे अहोरात्र मेहनत घेऊन सर्वसामान्यांना न्याय देण्यासाठी प्रयत्नशील आहेत. लाडकी बहीण योजना, शेतकरी, कष्टकरी, सुशिक्षित बेरोजगार, कर्मचारी, युवक-युवती यांच्यासह समाजातील विविध घटकांच्या प्रश्नांना न्याय देण्यासाठी ते सातत्याने प्रयत्न करीत आहेत. महाराष्ट्रात एकनाथराव शिंदे यांच्या नेतृत्वाखाली शिवसेनेमध्ये विविध क्षेत्रांतील अनेक मान्यवर प्रवेश करीत आहेत. लातूर जिल्ह्यातील कार्यकर्त्यांनीही शिवसेनेत प्रवेश केल्याचा आनंद असून, सर्वांनी एकत्रितपणे शिवसेना मजबूत करण्यासाठी काम करावे, असे आवाहन माने यांनी केले. “ज्या ठिकाणी माझी गरज भासेल, कोणतीही अडचण निर्माण झाली तर जिल्हाप्रमुख म्हणून अर्ध्या रात्रीही तुमच्या पाठीशी खंबीरपणे उभा राहीन,” अशी ग्वाही शिवाजीराव माने यांनी यावेळी दिली. येत्या काळात एकनाथराव शिंदे यांना महाराष्ट्राच्या मुख्यमंत्रीपदी पाहण्याची इच्छा व्यक्त करत, त्यासाठी संपूर्ण महाराष्ट्रात संघटनात्मक बांधणी मजबूत करण्याचे आवाहनही माने यांनी केले. ‘गाव तिथे शाखा, घर तिथे शिवसैनिक’ या संकल्पनेनुसार लातूर जिल्ह्यात शिवसेनेची संघटनात्मक बांधणी मजबूत करण्यासाठी सर्वांनी नियोजनपूर्वक कामाला लागावे, असे त्यांनी सांगितले. यावेळी राष्ट्रीय कर्मचारी सेनेचे सरचिटणीस व्यंकटराव बिराजदार, शिवसेनेचे माजी उपजिल्हाप्रमुख विष्णू साबदे, व्यापारी आघाडी सेनेचे जिल्हाध्यक्ष बसवराज मंगरुळे, निलंगा विधानसभा मतदारसंघाचे विधानसभा प्रमुख सोमनाथ स्वामी, मुरलीधर शिंदे, अॅड. वर्षाताई शिंदे, पूजाताई सगर, बबीता ताई कोरके, संजना नेटोरे यांच्यासह अनेक पदाधिकारी व कार्यकर्ते उपस्थित होते. कार्यक्रमाचे सूत्रसंचालन सोमनाथ स्वामी यांनी केले, तर प्रास्ताविक व्यंकटराव बिराजदार यांनी केले.