ગુજરાત સરકારે વહીવટી તંત્રમાં મોટો ફેરફાર કરતા 144 જુનિયર સ્કેલ વર્ગ-1 અધિકારીઓની બદલી કરી છે. મહેસૂલ વિભાગે ડેપ્યુટી કલેક્ટર, પ્રાંત અધિકારી અને અન્ય અધિકારીઓને નવી જગ્યાએ નિમણૂક આપી છે. આ તમામ બદલીઓ જાહેર હિતમાં અને તાત્કાલિક અસરથી અમલમાં મુકવામાં આવી છે. બદલીની યાદીમાં નાયબ જિલ્લા વિકાસ અધિકારી અને જિલ્લા પુરવઠા અધિકારીઓનો પણ સમાવેશ થાય છે. કેટલાક અગાઉના બદલીના હુકમો રદ કરવામાં આવ્યા છે અને બઢતીના આદેશોમાં પણ આંશિક સુધારા કરાયા છે. આદેશો રાજ્યપાલના હુકમથી સરકારના સંયુક્ત સચિવ સચિન પટવર્ધન દ્વારા બહાર પાડવામાં આવ્યા છે. #GujaratGovernment #OfficerTransfer #DeputyCollector #RevenueDepartment #GujaratNews #HumDekhengeNews