Sundargarh
Mahulapada
←
News in Mahulapada
ଗଞ୍ଜାମ ଜିଲ୍ଲା ଅ।ସିକା ଉପଖଣ୍ଡ ପୋଲିସ ପ୍ରଶାସନକୁ ଏକ ବଡ ସଫଳତା ମିଳିଛି । ଗତ ଜୁଲାଇ ମାସ 26 ତାରିଖ ଦିନ ଛତିଶିଗଡ ରାଜ୍ୟ ସିତାପୁର ଥାନା ଇଲାକା କାଷି ବିଶ୍ଵନାଥ ସୁନା ଦୋକାନରୁ ଏକ ବଡ ଧରଣର ଲୁଟ ଘଟଣା ଘଟିଥିଲା । ମାଲିକ ସକାଳୁ ସକାଳୁ ଦୋକାନ ଖୋଲିବା ବେଳେ ଦୁଇଟି ସ୍କୁଟିରେ ଚାରିଜଣ ଯୁବକ ଅ।ସି ଅଚାନ ମାଲିକ ହାତରୁ ସୁନା ବ୍ୟାଗ ଛଡାଇ ନେଇଥିଲେ । ତେବେ ସିସି ଟିଭି ଅ।ଧାରରେ ଡକାୟତି ମାନେ ଗଂଜାମ ଜିଲ୍ଲାର ବୋଲି ପୋଲିସ ଜାଣିବାକୁ ପାଇଥିଲା । ଏଥିସହ ପୋଲିସ ପ୍ରଶାସନ ଏକ ଟିମ ଗଠନ କରି ସୋରଡା ଥାନା ଇଲାକାର ଏକ ଅଜଣାସ୍ଥାନରୁ ପ୍ରାୟ 1 କିଲୋ ରୂପା ଓ 300 ଗ୍ରାନ ସୁନା ଜବତ କରିଥିବା ଅ।ସିକା ଏସଡିପିଓ ସୂଚନା ଦେଇଛନ୍ତି । ଏଥିସହ ଡକାୟତି ମାନଙ୍କୁ ମଧ୍ୟ ଚିହ୍ନଟ କରାଯାଇଥିବା ଅ।ସିକା ଏସଡିପିଓ କହିଥିବା ବେଳେ ତୁରନ୍ତ ଗିରଫ କରାଯିବ ବୋଲି ମଧ୍ୟ ସେ କହିଛନ୍ତି । #Chhattisgarh #Sorada #SoradaNews #GoldLoot #SilverLoot #JewelleryTheft #TheftCase #PoliceInvestigation #CrimeNews #GanjamNews #OdishaNews #BreakingNews #LatestNews #CrimeReport #odishacitynews
Raurkela M, Sundargarh | Aug 16, 2026
*ମିଡ଼ିଆ କ୍ଲବ, ରାଉରକେଲା ପରିସରରେ ଧୁମଧାମରେ ପାଳିତ ହେଲା 80ତମ ସ୍ୱାଧୀନତା ଦିବସ* *ରାଉରକେଲା:* ଦେଶବାସୀଙ୍କ ସହ ତାଳ ଦେଇ ମିଡ଼ିଆ କ୍ଲବ, ରାଉରକେଲା ପକ୍ଷରୁ କ୍ଲବ ପରିସରେ ଅତ୍ୟନ୍ତ ଉତ୍ସାହ ଓ ଦେଶଭକ୍ତିପୂର୍ଣ୍ଣ ପରିବେଶ ମଧ୍ୟରେ 80ତମ ସ୍ୱାଧୀନତା ଦିବସ ପାଳିତ ହୋଇଯାଇଛି। ଏହି ବର୍ଷ ସ୍ୱାଧୀନତା ଦିବସର ମୁଖ୍ୟ ବିଷୟବସ୍ତୁ ଥିଲା *"ୟୁବା ଶକ୍ତି ପାଇଁ ବିକଶିତ ଭାରତ ଏବଂ ବନ୍ଦେ ମାତରମର 150 ବର୍ଷ"*। ଦେଶ ଗଠନରେ ଯୁବପିଢ଼ିଙ୍କ ଅବଦାନ, ସ୍ୱଦେଶୀ ପ୍ରଯୁକ୍ତି, ସବୁଜ ରୂପାନ୍ତର ଏବଂ ଆତ୍ମନିର୍ଭରଶିଳତା ଓ ପ୍ରତିରକ୍ଷା ଉପରେ ଗୁରୁତ୍ୱ ଦିଆଯାଇଥିଲା। କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ରାଉରକେଲା ଚାମ୍ବର ଅଫ କମର୍ସ ଓ ଇଣ୍ଡଷ୍ଟ୍ରିର ପୂର୍ବତନ ସଭାପତି *ଶ୍ରୀ ସୁନୀଲ କାଏଲ* ଯୋଗ ଦେଇ ଜାତୀୟ ପତାକା ଉତ୍ତୋଳନ କରିଥିଲେ। ସମ୍ମାନିତ ଅତିଥି ଭାବେ *ଇଂ ବିମଲ ବିଶି* ଓ *ଇଂ ଗୋପୀନାଥ ପଟ୍ଟନାୟକ*, ପି. ପି ରାୟ ଉପସ୍ଥିତ ରହି ସ୍ୱାଧୀନତା ସଂଗ୍ରାମର ଇତିହାସ ଓ ବର୍ତମାନର ବିକଶିତ ଭାରତ ଗଠନରେ ଗଣମାଧ୍ୟମର ଭୂମିକା ଉପରେ ବକ୍ତବ୍ୟ ରଖିଥିଲେ। କାର୍ଯ୍ୟକ୍ରମର ଆରମ୍ଭରେ ସାଧାରଣ ସମ୍ପାଦକ *ଶ୍ରୀ ବିବେକାନନ୍ଦ ଦାସ* ସ୍ୱାଗତଭାଷଣ ଦେବାସହ ଅତିଥିମାନଙ୍କ ପରିଚୟ ପ୍ରଦାନ କରିଥିଲେ। ସେ କହିଲେ ଯେ ଯୁବଶକ୍ତି ହିଁ ଆଗାମୀ ଭାରତର ଭିତ୍ତି ଏବଂ ମିଡ଼ିଆ ସେମାନଙ୍କ କଥାକୁ ଜନତା ପର୍ଯ୍ୟନ୍ତ ପହଞ୍ଚାଇବାର ବଡ଼ ଦାୟିତ୍ୱ ବହନ କରେ। ଜାତୀୟ ପତାକା ଉତ୍ତୋଳନ ପରେ ଦେଶଭକ୍ତିପୂର୍ଣ୍ଣ ଗୀତ, କବିତା ପାଠ ଏବଂ ସ୍ୱାଧୀନତା ସଂଗ୍ରାମୀଙ୍କୁ ଶ୍ରଦ୍ଧାଞ୍ଜଳି ଅର୍ପଣ କରାଯାଇଥିଲା। କାର୍ଯ୍ୟକ୍ରମ ଶେଷରେ କ୍ଲବର ସଦସ୍ୟ *ଶ୍ରୀ ସଂଗ୍ରାମ କେଶରୀ ଭୂୟାଁ* ସମସ୍ତ ଅତିଥି, ସଦସ୍ୟ ଓ ଶୁଭେଛୁମାନଙ୍କୁ ଧନ୍ୟବାଦ ଜ୍ଞାପନ କରିଥିଲେ। ଏହି ଅବସରରେ କ୍ଲବର ସଦସ୍ୟ ଓ ଶୁଭେଛୁ ଙ୍କ ମଧ୍ୟରେ କୁଞ୍ଜ ବିହାରୀ ରାଉତ, କମଳା କାନ୍ତ ରାଉତ, ଡଃ ବସନ୍ତ କୁମାର ଦାସ, ମନୋରଞ୍ଜନ ଦାଶ, ସତ୍ୟାନନ୍ଦ ବେହେରା, ସନ୍ତୋଷ କୁମାର ସ୍ୱାଇଁ, ବସନ୍ତ ଦାସ, ଡ଼. ସୁବାଷ ଚନ୍ଦ୍ର ଲେଙ୍କା, ରାଜେନ୍ଦ୍ର ପଣ୍ଡା ସରୋଜ ବେହେରା,ଶରତ ଚନ୍ଦ୍ର ପଣ୍ଡା, କୁନିଆ ବାରିକ, ଜଗନ୍ନାଥ ମହନ୍ତ,ବଙ୍କେଶ୍ୱର ସିଂହ , ରବୀନ୍ଦ୍ରନାଥ ଦୁବେ, ଅରୁଣ କୁମାର ଦାଶ, ସସ୍ମିତା ପ୍ରଧାନ, ପ୍ରିୟଙ୍କା ପାଣି ହେମନ୍ତ ଚନ୍ଦ୍ର ପଣ୍ଡା , ସୁଭଶ୍ରୀ ଦାଶ, ଦିଲୀପ ଶର୍ମା, ସୁରେନ୍ଦ୍ର ରାୟ ,ସୌମ୍ୟ ରାଉତ, ସୁଧୀର ଦାସ ନବୀନ ପ୍ରଧାନ, ଅମର ବର୍ମା, ରାଜକୁମାର ଯାଦବ, ଶୈଳେନ୍ଦ୍ର ସାହୁ, ଅନିଲ କୁମାର ସାହୁ ଏମ.ଦାଶ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମକୁ ସଫଳ କରିଥିଲେ। ସମଗ୍ର କାର୍ଯ୍ୟକ୍ରମ ଦେଶପ୍ରେମ ଓ ଏକତାର ବାର୍ତା ଦେଇ ଶେଷ ହୋଇଥିଲା।
Raurkela M, Sundargarh | Aug 16, 2026
୫୨ତମ ଇଣ୍ଡିପେଣ୍ଡେନ୍ସ୍ କପ୍ ଫୁଟବଲ୍ ଟୁର୍ଣ୍ଣାମେଣ୍ଟ ଉଦଯାପିତ #odishacitynews #rajgangapur #football #footballplayer #Odisha #OdishaNews
Raurkela M, Sundargarh | Aug 16, 2026
Nearby Cities
୮୦ ତମ ସ୍ୱାଧୀନତା ଦିବସ ପାଳନ ଅବସରରେ ଓଡ଼ିଶାର ରାଜଧାନୀ ଭୁବନେଶ୍ୱରକୁ ରଙ୍ଗୀନ ଆଲୋକମାଳରେ ସୁନ୍ଦରଭାବେ ସଜାଯାଇଛି।
Raurkela M, Sundargarh | Aug 16, 2026
ରାଉରକେଲା; BMS ସମର୍ଥିତ RIKKS ର ନୂତନ କର୍ମକର୍ତ୍ତା ଚୟନ ଅନୁଷ୍ଠିତ। ସତ୍ୟ ସଭାପତି ଓ ସଞ୍ଜୀବ ସାଧାରଣ ସମ୍ପାଦକ #smsnewsnetwork #rourkela #BMS #RIKKS #SAIL #RSP #sector4
Sundargarh Town, Sundargarh | Aug 16, 2026
SMS News Bureau Rourkela **ଉପମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ାଙ୍କ ଦ୍ଵାରା ବିଭିନ୍ନ ଅଞ୍ଚଳ ପରିଦର୍ଶନ ସହ ସ୍ଥିତି ସମୀକ୍ଷା* *ମହିଳାଙ୍କୁ ସ୍ୱାବଲମ୍ବୀ କରି ଗଢ଼ିବା ପାଇଁ ସହାୟତା ସାମଗ୍ରୀ ବଣ୍ଟନ* *କାହ୍ନାକୁଣ୍ଡ ହେବ ଅନ୍ତର୍ଜାତୀୟ ପର୍ଯ୍ୟଟନସ୍ଥଳୀ* ଜିଲ୍ଲା ସ୍ତରୀୟ ସ୍ୱାଧୀନତା ଦିବସ ଉପଲକ୍ଷେ ମାନ୍ୟବର ଉପ-ମୁଖ୍ୟମନ୍ତ୍ରୀ ଶ୍ରୀମତୀ ପ୍ରଭାତୀ ପରିଡ଼ା ମୁଖ୍ୟ ଅତିଥି ଭାବେ ଯୋଗଦାନ କରିବା ସହିତ ଜିଲ୍ଲାର ବିଭିନ୍ନ ଅଞ୍ଚଳ ପରିଦର୍ଶନ କରିବା ସହିତ ବିଭାଗୀୟ ଅଧିକାରୀ ମାନଙ୍କ ସହିତ ଆଲୋଚନା ମଧ୍ୟ କରିଥିଲେ। ଏହି ପରିଦର୍ଶନ ସମୟରେ ସେ ଜନସାଧାରଣଙ୍କ ସୁବିଧା ଅସୁବିଧା ବୁଝିବା ସହ ସରକାରୀ ସେବା ଓ ଯୋଜନାର ସଫଳ କାର୍ଯ୍ୟକାରିତା ଉପରେ ସମୀକ୍ଷା କରିଥିଲେ। ଏହି ଅବସରରେ ଭବାନୀପୁର ସ୍ଥିତ ଅଙ୍ଗନୱାଡ଼ି କେନ୍ଦ୍ର ପରିଦର୍ଶନ କରି ଶିଶୁମାନଙ୍କୁ ଦିଆଯାଉଥିବା ଶିକ୍ଷଣ ସାମଗ୍ରୀ, ପୁଷ୍ଟିକର ଖାଦ୍ୟ ଓ କେନ୍ଦ୍ରର ଦୈନନ୍ଦିନ କାର୍ଯ୍ୟକଳାପ ଗୁଡ଼ିକର ସମୀକ୍ଷା କରିଥିଲେ ଏବଂ କୁନି କୁନି ଶିଶୁଙ୍କୁ ଫଳ ଓ ମିଷ୍ଠାନ ବଣ୍ଟନ କରିଥିଲେ। ଏହି ଅବସରରେ ସେ ଅଙ୍ଗନବାଡି କର୍ମୀ ଏବଂ ବିଭାଗୀୟ ଅଧିକାରୀଙ୍କ ସହିତ ଆଲୋଚନା କରିଥିଲେ। ସେହିଭଳି ବାଲିଶଙ୍କରା ବ୍ଲକ ଅର୍ନ୍ତଗତ ଘୋଗର ଗ୍ରାମରେ ସ୍ୱୟଂ ସହାୟକ ଗୋଷ୍ଠୀ (SHG) ର ମହିଳାମାନଙ୍କ ସହ ଏକ ବୈଠକ ଅନୁଷ୍ଠିତ ହୋଇଥିଲା। ମହିଳା ମାନଙ୍କୁ ସଶକ୍ତୀକରଣ ତଥା ସ୍ୱାବଲମ୍ବୀ କରିବା ଦିଗରେ ସହାୟତା କରିବା ପାଇଁ ମାନ୍ୟବର ଉପ ମୁଖ୍ୟମନ୍ତ୍ରୀ ଶ୍ରୀମତୀ ପରିଡା ମହିଳାମାନଙ୍କୁ ସିଲେଇ ମେସିନ, ଫଳନ୍ତି ଗଛର ଚାରା ଏବଂ ଏକ ମାସ ବୟସର କୁକୁଡ଼ା ଛୁଆ ବଣ୍ଟନ କରିଥିଲେ। ଏହି ଅବସରରେ ମହିଳାଙ୍କୁ ସଶକ୍ତ କରିବା ଲାଗି ସରକାର ବିଭିନ୍ନ ପ୍ରକାର କଲ୍ୟାଣକାରୀ ଯୋଜନା , କାର୍ଯ୍ୟକ୍ରମ ଆଦି କାର୍ଯ୍ୟକାରୀ କରିଛନ୍ତି ଏବଂ ଏହି ସବୁ ଯୋଜନା ଗୁଡିକରେ ଅର୍ନ୍ତଭୁକ୍ତ ହୋଇ ଯୋଜନା ଗୁଡ଼ିକର ଲାଭ ନେବାକୁ ବକ୍ତବ୍ୟ ରଖିଥିଲେ। ସେହିଭଳି ଜିଲ୍ଲା ରେ ଅଧିକରୁ ଅଧିକ ଲକ୍ଷପତି ଦିଦି ସୃଷ୍ଟି କରିବା ନେଇ ମଧ୍ୟ ଆହ୍ୱାନ ଦେଇଥିଲେ। ପରେ ପରେ ମାନ୍ୟବର ଉପ ମୁଖ୍ୟମନ୍ତ୍ରୀ ଶ୍ରୀମତୀ ପରିଡା ପ୍ରାକୃତିକ ସୌନ୍ଦର୍ଯ୍ୟଭରା କାହ୍ନାକୁଣ୍ଡ ପରିଦର୍ଶନ କରିଥିଲେ। କାହ୍ନାକୁଣ୍ଡକୁ ଏକ ଆନ୍ତର୍ଜାତୀୟ ସ୍ତରର ପର୍ଯ୍ୟଟନସ୍ଥଳୀ ଭାବେ ଗଢ଼ିତୋଳିବା ପାଇଁ ସେ ଉପସ୍ଥିତ ଅଧିକାରୀମାନଙ୍କ ସହ ବିସ୍ତୃତ ଆଲୋଚନା କରି ଉନ୍ନୟନମୂଳକ କାର୍ଯ୍ୟ ଆରମ୍ଭ କରିବା ପାଇଁ ନିର୍ଦ୍ଦେଶ ଦେଇଥିଲେ। ସେ ଆହୁରି କହିଥିଲେ ଯେ, ବାଲିଶଙ୍କରା ବ୍ଲକ ଠାରେ ଥିବା ଏହି କାହ୍ନାକୁଣ୍ଡକୁ ବିଶ୍ୱ ସ୍ତରୀୟ ପର୍ଯ୍ୟଟନ ସ୍ଥଳ ଭାବେ ଗଢିବା ହେଉଛି ଆମର ଲକ୍ଷ୍ୟ। ଏହା ସହ ଏହି ପର୍ଯ୍ୟଟନ ସ୍ଥଳୀ ଭାବେ ଗଠନ ହେବା ଫଳରେ ସ୍ଥାନୀୟ ଲୋକଙ୍କୁ ନିଯୁକ୍ତି ମଧ୍ୟ ମିଳିପାରିବ ବୋଲି ଶ୍ରୀମତୀ ପରିଡା କହିଥିଲେ। ତୃଣମୂଳ ସ୍ତରରେ ସାଧାରଣ ଲୋକଙ୍କ ନିକଟରେ ସରକାରୀ ସେବା ପହଞ୍ଚାଇବା, ମହିଳା ସଶକ୍ତୀକରଣ ଏବଂ ରାଜ୍ୟର ପର୍ଯ୍ୟଟନ କ୍ଷେତ୍ରକୁ ବିଶ୍ୱ ଦରବାରରେ ପହଞ୍ଚାଇବ ସରକାରଙ୍କ ମୁଖ୍ୟ ଲକ୍ଷ୍ୟ ବୋଲି ମାନ୍ୟବର ଉପ-ମୁଖ୍ୟମନ୍ତ୍ରୀ ଶ୍ରୀମତୀ ପରିଡ଼ା ପ୍ରକାଶ କରିଥିଲେ। ଏହି କ୍ଷେତ୍ର ପରିଦର୍ଶନ ସମୟରେ ଓଡ଼ିଶା ବିଧାନସଭା ଉପବାଚସ୍ପତି ଶ୍ରୀ ଭବାନୀ ଶଙ୍କର ଭୋଇ, ଜନଜାତି ପରାମର୍ଶଦାତା କମିଟିର ସଭ୍ୟ ତଥା ପୂର୍ବତନ ବିଧାୟିକା ଶ୍ରୀମତୀ କୁସୁମ ଟେଟେ, ଜିଲ୍ଲାପାଳ ଡ଼ା ଶୁଭଙ୍କର ମହାପାତ୍ର, ଆରକ୍ଷୀ ଅଧିକାରୀ ଶ୍ରୀମତୀ ଅମ୍ରିତ ପାଲ କୌର, ଅତିରିକ୍ତ ଜିଲ୍ଲାପାଳ ଶ୍ରୀ ସୂରଜ ପଟ୍ଟନାୟକ, ଅତିରିକ୍ତ ଜିଲ୍ଲାପାଳ (ରାଜସ୍ୱ) ଶ୍ରୀ ଅଭିମନ୍ୟୁ ମାଝୀ , ଜିଲ୍ଲା ପରିଷଦର ମୁଖ୍ୟ ଉନ୍ନୟନ ଅଧିକାରୀ-ତଥା- ନିର୍ବାହୀ ଅଧିକାରୀ, ସଦର ଉପ ଜିଲ୍ଲାପାଳ ଶ୍ରୀମତୀ ତେଜସ୍ୱିନୀ ବେହେରା ତଥା ଅନ୍ୟାନ୍ୟ ବରିଷ୍ଠ ଅଧିକାରୀ ମାନେ ଉପସ୍ଥିତ ଥିଲେ।
Sundargarh Town, Sundargarh | Aug 16, 2026
ସୁନ୍ଦରଗଡ: କିଞ୍ଜିରକେଲାରେ ଟ୍ରାକ୍ଟର ଓଲଟି ଚାଳକ ମୃତ
Sundargarh, Sundargarh | Aug 16, 2026
ସୁନ୍ଦରଗଡ: ଡୁଡୁକା ର ଗୋ ଶାଳା ପରିଦର୍ଶନ କଲେ ସଦର ବିଧାୟକ।
Sundargarh, Sundargarh | Aug 16, 2026
ରାଉରକେଲା ମ୍ୟୁନିସିପାଲଟି: ଜିଲ୍ଲାରେ ଆସନ୍ତାକାଲି ହେବାକୁ ଥିବା ପାଣିପାଗ ସମ୍ପର୍କିତ ସୂଚନା ପ୍ରଦାନ କଲେ ଅଧିକାରୀ
Raurkela M, Sundargarh | Aug 16, 2026